Шәһәр ишегаллары тәртиптә булачак

Очрашуда Чоловский,2 урамы буенча ишегалдын төзекләндерү мәсьәләсе каралды. Эшләр «Безнең ишегалды» программасы кысаларында алып барылачак, дип хәбәр итә муниципалитет сайты.

Исегезгә төшерәбез, агымдагы елда Менделеевскида 15 объектны төзекләндерү планлаштырыла, шуларның алтысы бүгенге көндә расланган. Өч елда «Безнең ишегалды» республика программасы буенча 80 ишегалды тәртипкә китереләчәк. Программа барышында йорт яны территорияләрен киңәйтү, парковка урыннарын арттыру, тротуарлар һәм яктырткычлар булдыру, кече архитектура формаларын урнаштыру, күздә тотыла.