Менделеевские новости
  • Рус Тат
  • Социаль хезмәткәрләр хөрмәтенә

    Бәйрәм даталары фейервергында Социаль хезмәткәрләр көне тулы хокук буенча үзенчәлекле урын били. 9 июньдә иң гуманлы һөнәр ияләрен "Юность" район мәдәният йорты сәхнәсеннән район җитәкчесе Игорь Привалов җылы һәм ихлас котлады һәм болай дип билгеләде: - Социаль хезмәткәр пациентның җанын дәвалый, кыенлыклар белән ялгыз көрәшә алмаганнарны тормышка кайтара, мөмкинлекләре чикле...

    Бәйрәм даталары фейервергында Социаль хезмәткәрләр көне тулы хокук буенча үзенчәлекле урын били.

    9 июньдә иң гуманлы һөнәр ияләрен "Юность" район мәдәният йорты сәхнәсеннән район җитәкчесе Игорь Привалов җылы һәм ихлас котлады һәм болай дип билгеләде:
    - Социаль хезмәткәр пациентның җанын дәвалый, кыенлыклар белән ялгыз көрәшә алмаганнарны тормышка кайтара, мөмкинлекләре чикле кешеләргә ярдәм кулы суза. Сездән башка муниципалитет хезмәткәрләренә гражданнарны дулкынландырган проблемаларны хәл итүе кыен булыр иде.
    Игорь Привалов халыкка социаль ярдәм күрсәтү үзәгенең гаиләләргә һәм балаларга социаль ярдәм бүлекчәсе мөдире Надежда Волковага, үзәкнең социаль-реабилитация бүлекчәсенең дәвалау физкультурасы кабинеты инструкторы Галина Спиридоновага, "Кама таңнары" приюты пешекчесе Нәзифә Әхмәдиевага, приютның шәфкать туташы Надежда Черняевага, Республика матди ярдәм үзәгенең 28 нче филиалы бухгалтеры Марина Егоровага район җитәкчесенең грамоталарын тапшырды.
    ТР Дәүләт Советы депутаты Р.Ханбиковның киңәшчесе Рөстәм Гафаров җыелганнарга җылы котлау сүзләре адреслады. "Кама таңнары" приюты аның тырышлыгы белән ачылды һәм уңышлы эшли.
    Рөстәм Исмәгыйлович нәтиҗәле хезмәттәшлек, социаль сферада хәйрия эшчәнлеге өчен һәм приют ачылуның ун еллыгы уңаенан ТР Хезмәт, мәшгульлек һәм социаль яклау министрлыгының Рәхмәт хаты белән бүләкләнде.
    "Социаль хезмәт күрсәтү учреждениесенең иң яхшы хезмәткәре" Бөтенроссия конкурсының республика этабында өченче урынны алган приют тәрбиячесе Марина Куликова - диплом һәм 25 мең сумга сертификат, тәрбияче Вәсимә Шакирова ТР Хезмәт, мәшгульлек һәм соцяклау министрлыгының Мактау грамотасы белән билгеләнделәр.
    Социаль яклау идарәсе начальнигы Әлфия Салаватуллина иң яхшы хезмәткәрләргә Мактау грамоталары һәм социаль хезмәт эшенә ярдәм күрсәтүче "Л.Я.Карпов ис. химзавод" ААҖ генераль директоры Д.Шәмсинга, АТП генераль директоры Р.Моратовка, суд приставларының районара бүлеге начальнигы В.Коровинга, ТР буенча Россия Федераль миграция службасы идарәсенең Менделеевск бүлекчәсе начальнигы Е.Алиевага, "Менделеевск" МҮ директоры Л.Кривилёвага, мәдәният идарәсе начальнигы П.Мироновка, "Сан-Вей" ҖЧҖ директоры Р.Гыймазовка Рәхмәт хатлары тапшырды.
    Чара бай эчтәлекле концерт программасы белән тәмамланды.

    Нравится
    Поделиться:
    Реклама
    Комментарии (0)
    Осталось символов: