Социаль объектларга мониторинг

Районда республика программалары буенча социаль әһәмиятле объектлар төзү һәм ремонтлауны беренче җитәкче Игорь Привалов контрольдә тота.
Район башкарма комитеты җитәкчесе Равил Хисаметдинов атна саен төзелеш объектларында подряд оешмалары белән очраша. 16 июль көнне Равил Фәритович 1 нче гимназиядә, Гассар исемендәге мәдәният сараенда капиталь ремонт, 1 нче мәктәптә янкорма, бөрешледә 50 урынга исәпләнгән балалар бакчасы, Камайда күпфункцияле үзәк төзелешләрендә эшләр барышын тикшерде. Объектларны тапшыру срогы якынлашканнан, Р.Хисаметдинов эш темпларын тизләтергә кирәклеген әйтте, проблемаларны хәл итү буенча тәкъдимнәр бирде.