Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Советская урамын июль ахырына ремонтлаячаклар

Озакламый Советская урамыннан биек үкчәле туфлиләрдә йөрергә мөмкин булачак, шофёрлар да тигез юлдан җилдертәчәк. Биредә тулы куәткә ремонт эшләре бара. Юлчылар иртәдән кичкә кадәр тыгыз режимда эшлиләр. Биредә "Татнефтедор" белгечләре хезмәт куя. Участок начальнигы Александр Фёдоров аңлатуынча, ремонтка 15 кеше һәм алты берәмлек техника җәлеп ителгән: асфальттүшәгеч, ике каток, өч...

Озакламый Советская урамыннан биек үкчәле туфлиләрдә йөрергә мөмкин булачак, шофёрлар да тигез юлдан җилдертәчәк. Биредә тулы куәткә ремонт эшләре бара.
Юлчылар иртәдән кичкә кадәр тыгыз режимда эшлиләр. Биредә "Татнефтедор" белгечләре хезмәт куя. Участок начальнигы Александр Фёдоров аңлатуынча, ремонтка 15 кеше һәм алты берәмлек техника җәлеп ителгән: асфальттүшәгеч, ике каток, өч "КамАЗ".
- Асфальтның аскы катламы салынды, хәзер өскесен түшибез. Урамның озынлыгы бер километр чамасы. Июль ахырына төгәлләрбез дип уйлыйм, - дип аңлата Александр Иванович.
- Ә тротуарларны кем алыштыра? - дип кызыксынабыз без.
- Бу эш белән субподряд оешмасы шөгыльләнә.

Дөньяда барлыгы 23 млн. километр юл бар. 140 мең километр - түләүле. Заманча, уңайлы, сәгатенә 100 км дан артык тизлектә йөри торган юллар өчен дөньяның 30дан артык илендә түлиләр.

Җәяүлеләр фикере:
- Шәһәрдә сирәк булам, үзгәрешләрне күрү шатландыра. Безнең авылда да юлны ремонтласыннар иде, - ди Монайда яшәүче Оксана Льдокова.
- Безнең урамны ремонтлаячакларына сөендек, - дип бүлешә Виктория Миронова, - хәзер су җыелып тормас дип уйлыйм. Вакытлыча кыенлыкларга аңлау белән карыйбыз.
Ә машина йөртүчеләр нәрсә уйлый?
Павел Просвиркин:
- Эш буенча күп йөрергә туры килә. Элек Советскаяда чокырлар күп иде. Автохуҗалар минем белән килешер, мондый юлларда машина тиз таушала. Акрынлап булса да юлларның ремонтлануы куандыра.
Николай Костин:
- Әлегә Советская урамын урап йөрибез, ләкин аны озакламый ачарлар дип өметләнәбез. Шәһәрдә "җәяүлеләр үтү урыны" билгесе алдында ятып торучы полицейскийлар урнаштырсыннар иде. Мин балаларның иминлеге өчен борчылам.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары шђџђр џђм шђџђрлелђр

2
X