Спортта алдынгылар

Актанышта армрестлинг буенча ярышларда коррекция мәктәбенең алты укучысы катнашты.
Махсус Россия олимпиадасы программасында үзләрен сынау аларга гомумкоманда зачетында икенче урын алып килде. Алёна Щукина шәхси беренчелектә җиңүче дип игълан ителде. Яшь спортчылар Ксения Латыйпова, Айгөл Гайсина, Илдар Сафиуллин, Руслан Лебедев, Сергей Мардашовтан торган Менделеевск командасы Минзәлә, Мөслим, Әгерҗе, Түбән Кама, Актаныш, Тукай районнары армрестлингчылары белән көч сынашты. Балаларны ярышларга физкультура укытучылары Элнар Әхмәтгәрәев, Евгений Праздников әзерләгән. Мәктәп коллективы транспорт белән ярдәм иткән шефларына - 10 нчы колония начальнигына рәхмәтле.