Татарстанда Яшьләр үзәкләрен торгызуга 2 млрд сум акча биреләчәк

Утырышта Татарстан Дәүләт Советы Рәисе Фәрит Мөхәммәтшин Яшьләр эшләре буенча федераль агентлык җитәкчесе Александр Бугаев, РФ Дәүләт Думасы депутаты Марат Бариев һәм башкалар катнаша.

Республиканың һәр районында яңартылган Яшьләр үзәкләре барлыкка киләчәк. Бу хакта Татарстан Яшьләр эшләре министрлыгының киңәйтелгән коллегия утырышында ясалган чыгышында министр Дамир Фәттахов әйтте.

– Коллегиягә берничә көн кала Президент белән очрашуда Яшьләр үзәкләрен реновацияләү турында сүз булды. Моның өчен 2 млрд. сум акча биреләчәк, – диде Дамир Фәттахов.

Ул Татарстандагы 217 үсмерләр клубына да игътибар булачагын хәбәр итте.