Менделеевск яңалыклары
  • Рус Тат
  • Татарстанда җылы, әмма тотрыксыз һава торышы көтелә

    Пәнҗешәмбе һәм җомга көннәрендә республикада һава температурасы 29 градус кадәр җылыначак, яшенле яңгырлар яварга мөмкин.

    Алдагы көннәрдә Татарстанда эссе, әмма тотрыксыз һава торышы булачак. Бу хакта республиканың Гидрометеорология һәм әйләнә-тирә мохитне күзәтү идарәсе хәбәр итә.

    Бүген, 17 июльдә, кыска вакытлы яшенле яңгырлар булачак. Көньяк-көнчыгыштан, көнчыгыштан исә торган җилнең тизлеге яшен вакытында 15-18 метрга кадәр көчәергә мөмкин. Мондый һава торышына көнбатыштан килгән циклон сәбәпче. Көндез һава температурасы 26 градуска кадәр җитәчәк, дип белдерә метеорологлар.

    18-19 июльдә Татарстан аркылы көнбатыш циклоны атмосфера фронтлары узачак. Янәдән урыны белән яшенле яңгырлар булуы ихтимал. Төнлә һава температурасы +13, көндез +24...+29 градус җылы булачак.

    «Беренчел мәгълүматлар буенча, ялларда, 20-21 июльдә республикада тотрыксыз җылы һава торышы сакланачак», — дип кисәтә синоптиклар.

    Бу хакта тулырак: https://tatar-inform.tatar

    Нравится
    Поделиться:
    Реклама
    Комментарии (0)
    Осталось символов: