“Тормыш гүзәл һәм могҗизалы”

Социаль үзәкнең гаиләгә һәм балаларга ярдәм күрсәтү бүлекчәсе "Балалар рәсемнәре һәм кулланма иҗаты" Бөтенрәсәй конкурсында катнашып уңышка ирештеләр.
Бәйге шарты буенча 7-17 яшьлек оста куллар табигать материалы кулланып эшләр әзерләргә тиеш иде. "Өмет яры" социаль педагогы Ксения Рудакова үзәктә учётта торучы Алинә Садыйкова белән үзләрен "Үсемлекләр тормышы" дигән номинациядә сынаганнар. Алар агач кисәге, кабак төшләре, кабырчыклар, төрле вак таш, файдаланып "Тормыш гүзәл һәм могҗизалы" дип исемләнгән бәхет агачы ясаганнар. Икенче урын яулаган иҗат эше диплом һәм акчалата премия белән билгеләнгән.