Менделеевск яңалыклары
  • Рус Тат
    • Җәмгыять

    Тормыш юлы буйлап

    автор, 1 август 2012 - 04:47
    579
    0
    0

    Педагогик эшчәнлек ветераны Е.Филиппова күптән түгел күркәм юбилеен билгеләде. Ул, сугыш төзәтмәләр керткән балачак хыялын тормышка ашырып, 40 елдан артык гомерен мәктәпкә һәм балаларга багышлаган. Дәһшәтле сугыш еллары кечкенә Женяның күңеленә ачлык хисен тою белән кереп калган. Ул вакытта алабута, кузгалак, чөгендер яфрагы да ашаганнар. Балалар, әниләренә булышып, өлкәннәр белән...

    Педагогик эшчәнлек ветераны Е.Филиппова күптән түгел күркәм юбилеен билгеләде. Ул, сугыш төзәтмәләр керткән балачак хыялын тормышка ашырып, 40 елдан артык гомерен мәктәпкә һәм балаларга багышлаган.
    Дәһшәтле сугыш еллары кечкенә Женяның күңеленә ачлык хисен тою белән кереп калган. Ул вакытта алабута, кузгалак, чөгендер яфрагы да ашаганнар. Балалар, әниләренә булышып, өлкәннәр белән беррәтән өйләрендә дә, шәхси хуҗалыкта һәм колхозда да эшләгәннәр. Һәр кеше озакламый Җиңү киләчәгенә ышанган.
    Мәктәптән соң Евгения Григорьевна педагогик училищега укырга керә, аннан Алабуга институтын тәмамлый. Хәзерге студентлар Алабугадан Күрәккә кадәр җәяү йөрүне күз алдына китерә алмыйлар. Ә Евгения өчен ул гадәти күренеш була, чөнки алга таба атлаучының гына тормыш авырлыкларын җиңеп чыгуын аңлый ул.
    Беренче укучылары, тәүге мәртәбә дәрес биргәне әле дә хәтерендә. Ә Бондюг мәктәбендә, аннан 1 нче мәктәптә 40 ел эшләү дәверендә алар ничә булган - санап бетерү мөмкин түгел. Һәр укучысына якын килә, уку һәм файдалы шөгыль белән кызыксындыра белергә тырыша, сәләтләрен үстерү өстендә эшли.
    Тактлы, тыныч холыклы педагог укучыларында мәхәббәт, әти-әниләрендә хөрмәт казана. Евгения Григорьевнаның һөнәри осталыгы аеруча ихтирамга лаек, ул укучылары өчен икенче әни дә, киңәшче дә, дус та була. Шуның өчен балалар беренче укытучылары белән аерылышырга теләмиләр.
    Е.Филиппова өч бала - Александра, Галина һәм Николайны тәрбияләп үстерә, барысы да тормышта үз урынын тапкан лаеклы, уңышлы шәхесләр. Галина Николаевна әнисенең эшен дәвам итә, 1 нче мәктәптә укытучы. "Безнең әниебез һәм әбиебез - Филипповларның зур гаиләсен туплаучы үзәк", - диләр туганнары. Аның һәркем өчен зирәк киңәше, изге сүзе табыла. Е.Филипповага һәр бала - үзенекеләр дә, мәктәптәгеләр дә якын, кадерле, чөнки нәкъ аларга күңел җылысын биргән һәм бирә.

    Иң мөһим һәм кызыклы язмаларны Татмедиа Telegram-каналында укыгыз


    Теги: Менделеевск яћалыклары Тормыш юлы буйлап
    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Менделеевск яӊалыклары (Менделеевские новости). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Менделеевск яӊалыклары (Менделеевские новости)
    № свидетельства о регистрации СМИ, дата: ЭЛ № ФС 77 - 73819 от 28.09.2018
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Искандарова Джулия Анатольевна
    Адрес редакции: 423650, Республика Татарстан, Менделеевский р-н, г. Менделеевск, ул. Фомина, д. 20
    Телефон редакции: (85549) 2-14-55
    Электронная почта редакции: paradox_12@mail.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    Яндекс.Метрика ; Рейтинг@Mail.ru
    16+