Менделеевск яңалыклары
  • Рус Тат
  • Традицион мәдәниятне үстерү үзәгендә онлайн Сабантуй флешмобын башлады

    Онлайн форматтагы Сабантуй 2 июльдән 4сенә кадәр дәвам итәчәк.

    Сабантуй бәйрәменә #Сабантуй2020 хештегы астында флешмоб башланды. Бу хакта Республика традицион мәдәниятне үстерү үзәгенең матбугат хезмәте хәбәр итә.

    «Без онлайн-курслар барышында чит төбәкләрдә яшәүче татарлар белән аралаштык. Төрле илләрдәге татарлар Сабан туен онлайн форматта үткәрергә планлаштыра, ә кемнәрдер инде хәтта бәйрәм иткән дә. Пандемия шартларында Сабан туен үткәрү максатын куйган идек. Программаны Татарстан районнары белән бергә төзедек. #Сабантуй2020 хештегы аша барлык мәгълүматлар белән танышырга була. Рәхим итегез», — диде Республика традицион мәдәниятне үстерү үзәге методисты Сөмбелә Вәлиәхмәтова.


    Онлайн Сабан туе программасы:
    3 июль:
    «KAZAN» ансамбле хореография мәктәбе-студиясе укытучысы Нигина Низамиевадан татар биюе буенча мастер-класс;
    #БиеСабантуй челленджы;
    «Сөрән» һәм«Сабан туе» йолалары;
    Татар халкының традицион уеннары;
    «Ат бизәү» мастер-классы;
    «Bulgari» бренды авторы Айгөл Сәдриевадан «Каюлы күн сәнгате» буенча мастер-класс;
    Дизайнер Гөлфия Билаловадан изү ясарга өйрәнү мастер-классы;
    Татарстан һәм Башкортстан республикаларының атказанган артисты Ришат Төхвәтуллин белән иҗади очрашу. Эфирны алып баручы — Айсылу Лерон;
    «Zakaria» фольклор төркеме белән иҗади сөйләшү. Эфирны алып баручы — Айсылу Лерон;
    Әдилә Заһидуллина белән иҗади очрашу. Эфирны алып баручы — Айсылу Лерон;
    Казан халык сәнгать һөнәрчелеге техникумы укытучысы Алсу Саттаровадан «Сөлге чигү» буенча мастер-класс;
    Агачка уеп рәсем ясау сәнгате буенча мини-фильм. Мастер: агачка уеп рәсем ясау сәнгате мастеры Җәлил Вильданов.

    4 июль:
    08:00–20:00 «Онлайн Сабантуй» телемарафоны ТНВ каналында барачак;
    Яшьләр онлайн-фестивале.

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: