Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Учыңдагы җылылыкны изгелек итеп бир

Җомга көнне йөзләгән менделеевлы Веста синдромы белән авыручы кечкенә Артёмга матди һәм рухи ярдәм күрсәтү өчен "Юность" район мәдәният йортына җыелды. Хәйрия концерты һәм күргәзмәнең инициаторлары булып Оксана Казакова, Алёна Атаманова, 1 нче мәктәпнең өлкән сыйныфлар советы чыкты. - Без читтә кала алмадык, - ди унынчы сыйныф укучысы Екатерина Грудцова....

Җомга көнне йөзләгән менделеевлы Веста синдромы белән авыручы кечкенә Артёмга матди һәм рухи ярдәм күрсәтү өчен "Юность" район мәдәният йортына җыелды.
Хәйрия концерты һәм күргәзмәнең инициаторлары булып Оксана Казакова, Алёна Атаманова, 1 нче мәктәпнең өлкән сыйныфлар советы чыкты.
- Без читтә кала алмадык, - ди унынчы сыйныф укучысы Екатерина Грудцова. - Безнең мәктәптән күпләр волонтёр булып эшләргә теләк белдерде.
"Көн җиңелләрдән булмады: кешеләр аз килер дип дулкынландым. Ләкин зал тулы иде, барлык билетлар да сатылып бетте. Артёмның язмышына битараф булмаган һәркемгә - оештыручыларга, артистларга, волонтёрларга рәхмәтем чиксез. Нәкъ шундый вакытта кайгы белән ялгызың калмавыңны аңлыйсың", - дип яза социаль челтәрдә Артёмның әнисе Людмила Рындина.
Хезмәт ветераны Ольга Леонова малай турында җирле телевидениедән карап белгән.
- Йөрәгем кушуы буенча килдем, - ди ул. - Өч оныгым бар, дәү әни буларак, аларга бары тик сәламәтлек телим. Артём да терелер дип өметләнәм.
Бу көнне фойеда да, залда да мәрхәмәтлелек атмосферасы хөкем сөрде. Волонтёрлар күргәзмә оештыруда һәм эшләнмәләрне сатуда ярдәм күрсәтте, килүчеләрнең һәрберсенә шарлар өләштеләр. Менделеевлылар билетларның барысын да алып бетерделәр, акча фойега куелган әрҗәләргә дә җыелды.
- Бүген биредә өлкән буын вәкилләре дә бар, - ди ветераннар советы рәисе Любовь Сорокина. - Игелек, кеше хәленә керә белүдән башка дөнья караңгы, киләчәк өметсез булып тоела. Ярдәм кулын сузу белән, ышаныч та туа. Без, ветераннар, Артёмның тереләчәгенә ышанабыз.
Концертта районның балалар бию һәм вокал коллективлары, яшь солистлар катнашты. Һәр чыгыш көчле алкышлар белән каршы алынды.
Мәдәният идарәсе начальнигы Лилия Галиева хәйрия чарасында катнашучыларга рәхмәт белдерде, җыелган 106 мең сум акча Артёмның әбисе Галина Васильевнага тапшырылды.
Бүген Артёмның һәр яшәгән көне - батырлык. Ләкин ул көчле рухлы. Әти-әнисе дәвалау һәм реабилитациянең көткән нәтиҗә бирүенә, улларының сәламәтләнүенә ышана.
Рәхилә Мирзаянова

"Бездә шатлыклы хәбәр! Германия клиникасыннан хат алдык. Алар безне кабул итәргә әзер. Бәясе Текнон клиникасына караганда (Барселонадагы медицина үзәге - Р.М.) күпкә арзан, шуңа күрә җыелган акчалар җитәрлек. Безгә әле озын юл үтәсе бар. Ләкин сезнең ярдәм белән беренче, иң авыр адым ясалды. Рәхмәт сезгә, безнең якын кешеләребез. Хәзер Элизабет-Кранкен Хаус клиникасы белән сөйләшүләр алып барабыз, датасы тәгаенлана", - Людмила Рындина бу хәбәрне 2 февральдә язган.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары шђфкатьлелек территориясе

2
X