Менделеевск яңалыклары

Менделеевск районы

Рус Тат
Җәмгыять

Укытучылар һәм укучылар – яшьтәшләр

Эшче яшьләр мәктәбе укытучылары һәм укучылары сурәтләнгән бу фотоны редакциягә сугыш һәм хезмәт ветераны Борис Черняев алып килде. - Бәлки 50 нче еллар фоторәсеменнән кемдер үзен таныр, яшьлеген, мәктәптә укыган елларын искә алыр, бу газетаны архивында саклар, - ди Борис Андреевич. 2007 елда басылып чыккан "Менделеевский музейный вестник" альманахының 4-5...

Эшче яшьләр мәктәбе укытучылары һәм укучылары сурәтләнгән бу фотоны редакциягә сугыш һәм хезмәт ветераны Борис Черняев алып килде.
- Бәлки 50 нче еллар фоторәсеменнән кемдер үзен таныр, яшьлеген, мәктәптә укыган елларын искә алыр, бу газетаны архивында саклар, - ди Борис Андреевич.
2007 елда басылып чыккан "Менделеевский музейный вестник" альманахының 4-5 нче саннарындагы укытучы Апрелина Иванова хатирәләреннән күренгәнчә, Бондюгта эшче яшьләр мәктәбе 1943 елда ачыла. Беренче директоры Сергей Петрович Шорин була, аннан Фелицата Алексеевна Бастракова җитәкли.
- Бу мәктәптә үзенчәлекле укучылар укыды, көндез производствода эшләделәр, кичләрен шөгыльләргә йөрделәр, - дип яза Апрелина Никитична. Аның белән бергә А.Тихонов, Г.Хөрмәтуллин, М.Смоль-кова, В.Верёвкина, Н.Карасева һ.б.лар укытты.
Биш укучы мәктәпне медаль белән тәмамлады. Булачак техник фәннәр кандидаты Евгений Поляков 1962 елда алтын медаль ала.
Чыгарылышлар исемлегендә танылган кешеләр - Ләздәт Фәйрушин, Андрей Гришин, Николай Моско, Александр Куприянов һ.б.лар.
- Бу мәктәпне, ныклы белем биргән укытучылар коллективы эшчәнлеген лаеклы бәяләргә кирәк, - ди сугыш һәм хезмәт ветераны Солтан Гыйләҗетдинов. - Аннан соң чыгарылыш укучыларының күбесе техникум һәм югары уку йортларына керделәр.
Кичке мәктәпнең агач бинасы икмәк заводы каршында юл аркылы урнашкан була, бүгенге көндә ул сакланмаган.
Рәсемдә: җиденче сыйныф укучылары һәм укытучылар, 1955 ел.
Ольга Смолькова

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары 50 нче еллар