Менделеевск яңалыклары
  • Рус Тат
  • Вакытлы уңайсызлыкларны халык аңлый

    Шәһәрней өч күпфатирлы йортында капиталь ремонт эшләре бара. Шушы көннәрдә журналистлар төркеме әлеге объектларда булды. Трудовая урамының 8 нче йортында унбер подъезд, монда Карпов исемендәге химия заводы бүлекчәсе төзүчеләре эшли. ремонтка апрель уртасында керештеләр, август уртасына куллануга тапшырырга ниятлиләр. Бүгенге көндә йортның түбәсе, канализация, кайнар һәм салкын су торбалары ремонтланган....

    Шәһәрней өч күпфатирлы йортында капиталь ремонт эшләре бара. Шушы көннәрдә журналистлар төркеме әлеге объектларда булды.
    Трудовая урамының 8 нче йортында унбер подъезд, монда Карпов исемендәге химия заводы бүлекчәсе төзүчеләре эшли. ремонтка апрель уртасында керештеләр, август уртасына куллануга тапшырырга ниятлиләр. Бүгенге көндә йортның түбәсе, канализация, кайнар һәм салкын су торбалары ремонтланган. Объектта бер үк вакытта берничә бригада - слесарь, сантехник, штукатур - буяучылар эшли.
    - Хәзер подъездларда ремонт эшләре дәвам итә, фасадны яңартабыз, - дип сөйли бизәү эшләре мастеры Галина Хәкимова, аның бригадасында 15 кеше.
    - Эшчеләр иртәдән кичкә кадәр хезмәт куя. Йортның нигезен, подвалын рәтлиләр. Химия заводының ремонт төзелеш идарәсе хезмәткәрләре йортта яшәүчеләр белән уртак тел таптылар, - дип сөйли Лилия Галиева. - Подъездларда бер-бер артлы ремонт төгәлләнүен карап тору күңелгә рәхәтлек бирә. Капиталь ремонт төгәлләнгәч, ишегалды бәйрәме оештырырга уйлыйбыз.
    Унынчы подъезд әбиләре эш барышын күзәтәләр.
    - Менә безнең подъездга да чират килеп җитте, - дип шатланыша алар.
    - Бүген мин өйдә дежур торам, - ди Юлия Тихонова, аның фатирында батареяларны алыштыралар. - Эшне төгәл башкаралар, мин канәгать.
    Химиклар урамындагы 10 нчы һәм Чоловский урамының 14 нче йортларында 60 фатир. Ремонт эшләре белән "Стройхимсервис" ҖЧҖнең Түбән Камадан килгән бригадасы шөгыльләнә. Участок начальнигы Сергей Вдовин аңлатуынча, бригадада 30 кеше, шуларның күбесе монда яшәүчеләр.
    - Ремонтка бераз соңарып, май аенда керештек. Химиклар урамындагы 10 нчы йортның түбәсе ремонтланды, ә Чоловский урамындагы 14 нче йортның түбәсендә эш төгәлләнү алдында. Мондый кызу көннәрдә түбәдә эшләүчеләргә бигрәк тә кыенга туры килә. Ике йортта да кайнар һәм салкын су, канализация торбалары алыштырылды. Нигезе тирәсе асфальтланды. Подъезд тәрәзәләре яңартылды. График буенча бу йортларны август уртасында куллануга тапшыру планлаштырыла, чиратта тагын ике объект - торак йортларга ремонт эшләре башларга уйлыйбыз, - ди Сергей Анатольевич.
    Фасадта, подъездларда ремонт дәвам итә. Штукатур-буяучы Әлфия Ермөхәмәтова җәй көне вакытлы эшкә урнашкан оныгы Алена белән тәҗрибәсен уртаклаша.
    - Безнең йорт капиталь ремонт программасына эләгүен ишеткәч, бик шатландык, - ди Чоловский урамының 14 нче йортында яшәүче Владимир Тимонин, - вакытлы кыенлыкларны халык аңлый.
    Венера Әмирова,
    Гөлшат Гыйләҗева һәм Рәис Сәхапов фотолары

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: