Яңа елга запас туплар вакыт

Димәк, шәһәрлеләрнең экологик чиста продукция запасларга вакытлары бар.

Суыклар башлану белән сәүдә рәтләрендә ит һәм кош түшкәләре барлыкка килде. Шимбә көнне узган ярминкәдә җиләк-җимеш һәм кипкән җимешләр, сөт һәм сөт продуктлары, бал һәм умартачылык продуктлары күп иде.

– Итне һәрвакыт фермер Әһлиевлардан алам, – дип бүлешә Мөслимә Дәүләтова, – свежий, шуңа да тиз сатылып бетә.

Ирле-хатынлы Сәлаховлар ярминкәгә сөт продукциясенә килгәннәр. Алар сөт, эремчек һәм каймакны Раушания Харитоновадан алуларын әйттеләр.

Күршеләр – Алабуга ит комбинаты машинасы янында да сәүдә җанлы барды, аларның продукциясе һәрвакыт ихтыяҗ казана.

Авыл хуҗалыгы һәм азык-төлек идарәсе белгече Илиза Миронова белдерүенчә, сатудан гомуми керем 257 мең сум тәшкил итте.

Чираттагы ярминкә иртәгә, 17 ноябрьдә, “Юность” район мәдәният йорты мәйданында була. Башлана 8 сәгатьтә.