Менделеевск яңалыклары
  • Рус Тат
  • Якташыбыз хәрби бурычын да үти, дәвалый да

    Ашыгыч медицина ярдәме фельдшеры Игорь Черемных өченче ай инде радиацион химик һәм биологик саклау гаскәрләре сафында хезмәт итә. Без аның әнисе белән очрашып, солдат тормышы турында сорашып белештек. - 21 декабрьдә Игорьның ант бирү тантанасында булдык. Ул ерак түгел, күрше Удмуртиядә хезмәт итә. Хәрби шәһәрчектә безне җылы каршыладылар, экскурсия оештырдылар....

    Ашыгыч медицина ярдәме фельдшеры Игорь Черемных өченче ай инде радиацион химик һәм биологик саклау гаскәрләре сафында хезмәт итә. Без аның әнисе белән очрашып, солдат тормышы турында сорашып белештек.
    - 21 декабрьдә Игорьның ант бирү тантанасында булдык. Ул ерак түгел, күрше Удмуртиядә хезмәт итә. Хәрби шәһәрчектә безне җылы каршыладылар, экскурсия оештырдылар. Казармадагы уңайлы шартлар безне гаҗәпләндерде: чиста, уңайлыклы, якты, мин күз алдына бөтенләй башкача китергән идем, - дип тәэсирләре белән бүлешә Ольга Александровна. - Яңа елга бизәлгән казарма тәрәзәләре Игорь кулы белән эшләнгән. Ул балалар сәнгать мәктәбен яхшы билгеләренә генә тәмамлады, һәр буш минутын яраткан шөгыленә багышлый. Безгә юллаган хатларына да рәсем төшерә, соңгысында кар бабай әвәләүче солдатлар рәсеме иде.
    Яңа гына билгеләнгән санинструктор туганнарына болай дип яза: "Үз белгечлегем буенча хезмәт итүемә шатланам. Күптән түгел полигонда булдык, Калашников автоматыннан атарга өйрәндек, барыбыз да диярлек яхшы аттык, подполковник безгә рәхмәт белдерде".
    Ольга Александровна әйтүенчә, солдатлар ашатудан канәгать. Ял көннәрендә көндезге йокы каралган. Ай саен бирелә торган ике мең сум акча иң кирәкле вак-төяккә, хәтта шоколадка җитә. Хәзер солдатларга акча күчерелү турында смс-хәбәр әти-әниләргә килә. Тагын медсанчастька сирәк мөрәҗәгать иткән егетләр өчен татлы призлар бирелә, шунлыктан якташыбызның пациентлары аз.
    Игорь хәрби-кыр әзерлегенә чыгуны түземсезлек белән көтә, ул апрельгә билгеләнгән. Яшүсмернең кыр шартларында эшләү тәҗрибәсе дә бар. Воткинск медицина колледжын тәмамлаганнан соң, ул каратэга йөрүчеләр белән "Яшь мастер" палаткалы лагеренда бер смена эшләп алган.
    - Җаваплы, яхшы күңелле, шаян булганлыктан, балалар белән дуслашты, тиз арада уртак тел тапты. Үз вазифаларыннан тыш, лагерь тормышында актив катнашты, - дип Игорь турында фикерен белдерә "Сатори" клубы директоры Лилия Богатова.
    Бер ел вакыт сизелмичә дә үтәр, дип ышана туганнары. Дуслары, әти-әнисе, яраткан кызы Ксюша һәм әбисе Татьяна Владимировна Игорьның кайтканын түземсезлек белән көтәләр.

    Вәсилә Мортазина

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: