Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Ярты гасыр иңгә-иң куеп

Трапезниковлар гаиләсе бүген бергә гомер итүләренең 50 еллыгын билгеләп үтә. Яшь пар Алабуга районының ЗАГС бүлегендә никахлаша. Андагы хезмәткәрләр гаҗәпкә кала: кәләш һәм кияү егете бер үк фамилиядә. Владимир һәм Валентина туып-үскән Поспелово авылында Трапезниковлар бик күп була, шуның өстенә алар туган түгел. Әнисе армия хезмәтеннән кайткан улына авылның тыйнак...

Трапезниковлар гаиләсе бүген бергә гомер итүләренең 50 еллыгын билгеләп үтә.
Яшь пар Алабуга районының ЗАГС бүлегендә никахлаша. Андагы хезмәткәрләр гаҗәпкә кала: кәләш һәм кияү егете бер үк фамилиядә. Владимир һәм Валентина туып-үскән Поспелово авылында Трапезниковлар бик күп була, шуның өстенә алар туган түгел.
Әнисе армия хезмәтеннән кайткан улына авылның тыйнак хезмәт сөючән кызына игътибар итәргә тәкъдим ясый. Владимир аның киңәшен тыңлый һәм үкенми.
- Мин шундый мизгелгә игътибар иттем. Әнисе бер кочак утын күтәреп килә, Валя шунда ук аның каршысына барып, йөкне үзенә ала. Мин мондый кыз тормыш иптәше булырга кулай дигән фикергә килдем һәм озак уйлап тормый аңа тәкъдим ясадым.
Валентинага сайларга кирәк була: пединститутта укуын дәвам итәргәме, әллә милиция мәктәбе юлламасы буенча иренә ияреп китәргәме? Мәхәббәт хисләре көчлерәк була. Башлангыч чорда 18 яшьлек кызга милиционер хатыны булу җиңел бирелми.
- Дөрес, аңа бала белән көн буена берүзенә җиңел булмагандыр, мин иртәдән кичкә кадәр службада, - дип искә ала Владимир Иванович. - Әмма без бер-беребезгә ияләшү чорын үтеп, үзара аңлаштык.
В.Трапезников эчке эшләр органнарында 31 ел хезмәт итә, шуның чирек гасыры - дәүләт автоинспекциясендә. Гомере буена актив тормыш позициясе алып бара, закон бозучыларга, җәмгыятьнең җитешсезлекләренә түзеп тормау хас аңа. Валентина Ивановна һәрвакыт булдыклы иренең күләгәсендә - оялчан, тыйнак, аз сүзле. Әмма нәкъ менә ул дистә еллар буена аның ышанычлы тылы, йортта уңайлылык һәм тәртип булдыручы.
- Аның кебек кайгыртучан ир һәм ата дөньяда юктыр, - дигән фикердә хатыны. - Ул өйгә кайтканчы мин йокларга ятмый, тәрәз каршында көтә идем.
Бүгенге көндә дә ул эчке эшләр бүлеге ветераннары советы рәисе, район советы ветераннары әгъзасы буларак районның иҗтимагый тормышында кайнаучы ирен шулай ук көтә. Владимир Иванович өчен тормышта иң мөһиме - тугрылыклы хатының көтү һәм өй түрендә яраткан пилмәннәре булган табынның ризыкка мул булуы.
50 ел буена алар кулга-кул тотынып, иңгә-иң куеп, оптимизм һәм киләчәккә ышанычны югалтмый тормыш буйлап бергә атлыйлар, чөнки мәхәббәт һәм тугрылык хисләрен саклап кала алганнар.
Ольга Смирнова
Рәис Сәхапов фотосы

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары юбилейлар