Менделеевск яңалыклары
  • Рус Тат
  • Яшелчә рапсодиясе

    Бәйгедә чираттагы катнашучыбыз Песәй авылыннан Зөлфия Шакирова кызыклы яшелчәләр командасын алып килгән. Язын Зөлфия биш чиләк бәрәңге утыртса, шушы көннәрдә 20 не казып алган. Бәрәңгеләр барысы да сайлап алынган кебе эреләр. Орлык өчен базарда бер әбидән сатып алган, нинди сорт, тәмлеме юкмы икәнен дә сорамаган булган. Сатып алынган орлык бәрәңгесе...

    Бәйгедә чираттагы катнашучыбыз Песәй авылыннан Зөлфия Шакирова кызыклы яшелчәләр командасын алып килгән.

    Язын Зөлфия биш чиләк бәрәңге утыртса, шушы көннәрдә 20 не казып алган. Бәрәңгеләр барысы да сайлап алынган кебе эреләр. Орлык өчен базарда бер әбидән сатып алган, нинди сорт, тәмлеме юкмы икәнен дә сорамаган булган. Сатып алынган орлык бәрәңгесе яхшы булып чыккан, ул бик тәмле. Калган яшелчәләр дә уңган, бу турыда аларның размерлары һәм авырлыгы сөйли. Мисал өчен, чөгендер - 900 грамм, борыч - 330, сарымсак - 100, суган - 220.

    Алмалар тарихы да кызыклы. Күршедәге бабай Зөлфиянең улын тәмле алмалар белән сыйлаган. Әнисе берничә төшне чүлмәккә утырткан. Бу Яңа ел алдыннан иде, ул вакытта гаилә Салаушта яшәде. Язга үсентеләр үсеп чыкты, хәзер алмагач тәмле алмалары белән сөендерә. Аларны кечкенә кызы Элиза ярата. Хуҗабикәгә бакча эшләренә балалары һәм бертуганының балалары Азалия һәм Диләрә Әхмәтшиннар да ярдәм итә. Селфида катнашучыларның кулларында кызыклы экземплярлар: йодрыкка охшаган кишер, бәрәңге бүлбесе йөрәккә охшаган һәм "Афәрин!" билгесен күрсәтүче кечкенә генә баклажан.

    "Табигатьнең могҗизалы бүләге" бәйгесе дәвам итә. Ә сез башкаларны нинди үстерелгән уңышларыгыз белән шаккатыра аласыз!?

    Языгыз, шалтыратыгыз, килегез!!!

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: