Менделеевск яңалыклары

Менделеевск районы

18+
Рус Тат
2024 - год Семьи
Җәмгыять

Яз – җыештыру вакыты

Эрегән кар катламы һәр елдагыча язгы проблеманы күтәрде - чүп өемнәрен. 14 марттан игълан ителгән экологик икеайлык шәһәрне чистартуны күздә тота. Чәршәмбе көнне "Комфорт Успех+" хезмәт күрсәтүче оешма белгечләре Октябрьская урамында актив эшләделәр. - Безнең төп бурыч - Җиңү көненә шәһәрне әзерләү, - дип сөйли участок мастеры Роза Йосыпова. -...

Эрегән кар катламы һәр елдагыча язгы проблеманы күтәрде - чүп өемнәрен. 14 марттан игълан ителгән экологик икеайлык шәһәрне чистартуны күздә тота.
Чәршәмбе көнне "Комфорт Успех+" хезмәт күрсәтүче оешма белгечләре Октябрьская урамында актив эшләделәр.
- Безнең төп бурыч - Җиңү көненә шәһәрне әзерләү, - дип сөйли участок мастеры Роза Йосыпова. - Газоннарны, бордюрларны чистартабыз, агартырга әзерлибез. Аннан Геройлар аллеясына күчәбез. Башкарасы эшләр шактый - постаментлардагы плитәләрне, мемориалдагы язуларны яңартасы, агачларны буясы бар. 460 метр озынлыктагы киртәне буярга өч көн вакыт үтә. Предприятие һәм оешма хезмәткәрләренең, көчләреннән килгәнчә, безгә булышуларын теләр идек.
Төзекләндерү участогында җиде кеше, ике юл хезмәткәре эшли. Алар юлдагы чокырларны ремонтка әзерлиләр.
Шунда ук Ринат Нәбиуллин идарә иткән гидравлик күтәрү җайланмасы эшли. Ике катлы йорт янында үсүче карт агачның сынган ботагы кешеләр узып йөрүче тротуарга салынган, ана күтәрү җайланмасы ярдәмендә генә алып була. Проблема бензопычкының бер хәрәкәте ярдәмендә хәл ителә.
Янәшәдә - кунакханә янында киселгән ботаклар өеме ята. Әмма күп кенә шәһәрлеләр коммуналь служба хезмәткәрләре эшчәнлегенең әһәмиятле булуына шикләнә.
- Ни өчен аларны кисәргә кирәк соң? - диләр узып баручы сәнгать мәктәбе укытучылары.
Фомин урамының 20 нче йорты ишегалды территориясен Карпов исемендәге химзаводның ремонт-төзелеш идарәсе хезмәткәрләре тырмалар белән чистарталар. Рөстәм Моратхуҗин - слесарь, әлегә ишегалды себерүчене алыштыра.
- Миңа бу эш таныш, - ди Рөстәм, - күрше йортта ишегалды җыештыручы булып эшләдем. Йортта яшәүчеләр чүпләрен балконнан ыргытмаса, мәшәкать азрак булыр иде.
Халыкның бу гамәлләренә ризасызлык нигезле. Теләсә кайсы ишегалдында шешә, фанфурик, тәмәке төпчеге, көнкүреш калдыклары чәчелеп ята, җил аларны тирә-якка тарата.
Идарәче компаниянең өмәгә чыгарга дигән өндәвен бар кеше дә кабул итмәде.
- Мин подъездга ябыштырылган белдерүне күрдем, - ди Тукай урамында яшәүче Андрей Недорезов, - әмма аның "Карар нигезендә..." дигән сүзләр белән башлануы гаҗәпләндерде. Кешеләрне шимбә өмәсенә гади, күңелгә үтеп керерлек сүзләр белән чакыру яхшырак булыр иде. Гомумән, мин шәһәрдә, бигрәк тә аллеяларда, кешеләрне чисталыкны сакларга өндәүче күргәзмә агитация урнаштырырга кирәк дип саныйм.
Редакциягә шалтыратканда, мөрәҗәгать белән килгәндә күп менделеевлылар, бигрәк тә ветераннар, шәһәрне төзекләндерү проблемасы өчен борчылуларын белдерәләр. Аларны эскәмияләр һәм мәйданчыкларны ремонтлау, чәчәк, агачлар утырту, газон үләне чәчү, фонтаннар эшчәнлеге борчый. Ишегалдында үскән агачларны кисү проблемасын да күтәрәләр. Районның баш лесничие Миңнегаян Мөхәмәтҗанов хәбәр иткәнчә, 26 апрельдә - республика урман утырту көнендә киселгән агачлар урынына, шул исәптән Геройлар аллеясында да, яңалары утыртылачак.
Мария Семёнова

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Менделеевск Менделеевск яналыклары “Комфорт Успех+”

2
X