“Закон территориясе”

Менделеевск районы эчке эшләр бүлеге традицион "Закон территориясе" республика конкурсының район этабын уздырды.
Агымдагы елның җиңүчеләр исемлеге игълан ителде. Болар - "Сатори" яшүсмерләр клубы, Яңабирде мәктәбе, "Менделеевсказот" ҖЧҖ директорлары Л.Богатова, А.Кузнецов, Ф.Абдрахманов, Бәзәкә авылы җирлеге башлыгы М.Сәлимуллина, халык дружинасы начальнигы А.Скобелкин. Алар ел дәвамында район һәм шәһәр территориясендә тәртип булдыруга зур өлеш керттеләр. Республика этабында төрле номинацияләрдә М.Сәлимуллина һәм А.Скобелкин иң яхшылар дип аталдылар. җиңүчеләр диплом, кыйммәтле бүләкләр белән билгеләнделәр.