Балалар бары тик автокәнәфиләрдә

Ул балаларны транспортта дөрес йөртүгә юнәлдерелгән.

Шәһәр Дәүләт автоинспекциясе хезмәткәрләре, җиңел автомобильдә 12 яшькә кадәр алгы утыргычта барганда, 7 яшькә кадәр арткы утыргычта барганда балаларны тотып калучы җайланмалар кулланылырга тиешлеген белдерә. 12 яшьтән зуррак балалар куркынычсызлык каешларын эләктерергә тиешләр.

Быелның беренче яртыеллыгында шәһәрдә 16 яшькә кадәрге балалар катнашында бер-юл транспорт хәле теркәлде, аларда ике бала тән җәрәхәтләре алды.

ЭЭМ район буенча ЮХИДИ хезмәткәрләре балаларны транспортта йөрткәндә кагыйдә бозу очракларын кисәттеләр. Бу уңайдан Россия Федерациясе административ хокук бозулар Кодексының 3 өлеше 12.23маддәсе нигезендә 3 мең сум күләмендә штраф каралган. Быелның беренче яртыеллыгында районда әлеге маддә буенча 36 эш ачылган.

Белгечләр фикеренчә, юл-транспорт очракларында тотып калу җайланмалары балаларның имгәнүләрен һәм үлем очракларын булдырмауда нәтиҗәле чара булып тора. Бөтендөнья сәламәтлек саклау мәгълүматлары буенча, балалар канәфиләрен дөрес итеп урнаштырганда һәм кулланганда хәвеф-хәтәр, үлем очраклары сизелерлек кими. Якынча 70%ка кадәр – кече яшьтәгеләрдә һәм 54 – 80 % – бер яшьтән дүрт яшькә кадәрге балаларда.

Шәһәрнең Дәүләт автоинспекцисе хезмәткәрләре юл хәрәкәтендә катнашучыларның барысына да игътибарлы булырга һәм юл йөрү кагыйдәләрен тайпылышсыз үтәргә чакыра.