Игътибар үзәгендә – штрафлылар

«Игътибар, балалар!» профилактик чаралар кысаларында узган «Тоннель» операциясе вакытында ЮХИДИ хезмәткәрләренең күз уңына башка хокук бозучылар да эләкте.

Юл-патруль службасы инспекторлары Рамис Бакиров, Валерий Седунов, участковый Василий Волков куркынычсызлык каешы һәм махсус чаралар ярдәменнән тыш кечкенә пассажирларны йөрткән шоферларны игътибарга алдылар. Инспекторлар руль артына исерек килеш утырган, штрафларын түләүдән качып йөрүче автохуҗаларга карата эшне көчәйттеләр. Аларны ачыкларга юл хәрәкәте кагыйдәләрен бозучыларның Бердәм мәгълүматлар базасы ярдәм итә.

Дәүләт инспекциясе административ штрафны вакытында түләмәү икеләтә күләмдә штраф, яки 15 тәүлеккә кадәр арест, яки 15 сәгатькә кадәр мәҗбүри эшләр белән җәзалана. Машина йөртүчеләр 20 көн эчендәге ташламалы срокта штрафның ярты бәясен генә түли алалар.

Сәгать ярым дәвам иткән рейд вакытында хезмәткәрләр 14 хокук бозучыны ачыкладылар, шул исәптән: машина йөртүчедә страховка булмау - 4, ОСАГО - 4, балалар өчен махсус җайланма - 2, куркынычсызлык каешын эләктермичә бару - 2, дәүләт номерлары укылмый торган авто - 2.

Рейдтагылар шоферларга теге яки бу хокук бозу өчен штрафлар күләмен искәрттеләр. Балалар өчен җайланма булмау - өч мең сум, куркынычсызлык каешы - бер мең сум, укылмый торган дәүләт номерлары - 500 сум.

- Машина йөртүчеләр җәзаның котылгысызлыгын аңларга тиешләр, - дип рейдка йомгак ясады полициянең өлкән лейтенанты Рамис Бакиров, - ә иң мөһиме - юл хәрәкәте кагыйдәләрен төгәл үтәргә кирәклеген. Бу сәламәтлекне, вакытны, акчаны, шулай ук тормышны да саклап калырга ярдәм итәр. Үзләренекен генә түгел, бер гаепсез кешеләрнекен дә.