Менделеевлы машина йөртү хокукыннан колак какты һәм штраф түләде

ТР Менделеевск суд районы буенча 2 нче суд участогы җәмәгать судьясының Менделеевск кешесенә карата карары законлы көченә керде.

Ул август төнендә РФнең юл йөрү кагыйдәләренең 2.7 пунктын үтәмичә исерек хәлдә машина белән идарә иткән. Суд залында машина иясе гаебен таныды һәм тәүбә итте.

Суд аны РФ КоАП 12.8 статьясының 1 өлешендә (исерек килеш транспорт белән идарә итү) каралган административ хокук бозуда гаепле дип тапкан.

Менделеевлы утыз мең күләмендә административ штрафка һәм елъярымга машина йөртү хокукыннан мәхрүм ителу җәзасына тартылды.

Фото-превью Татар-информ