Районда аварияләр саны кимрәк

Район юлларында 196 юл-транспорт хәле теркәлде ( 2019 — 249). Дүрт (2019 — 9) юл фаҗигасендә өч кешенең (4) гомере өзелде, юл хәрәкәтендә катнашучыларның 10 (14)е тән җәрәхәтләре алды. Балигъ булмаган балалар катнашында бер юл-транспорт хәле теркәлде, анда ике бала имгәнде.

— Аварияләрнең төп сәбәпләре тизлек режимын арттыру, «каршыга» килүче транспорт юлы ягына чыгу, — дип аңлатма бирде әлеге статистикага ЮХИДИ бүлекчәсе начальнигы Руслан Харисов. — Җәйге сезонда юлларда автомобильләр һәм мотоциклчылар саны сизелерлек арта, велосипедчылар һәм скутерчылар хәрәкәте дә активлаша. Бу уңайдан профилактик чараларны көчәйтү мөһимлеге билгеләнә.