Менделеевск яңалыклары
  • Рус Тат
  • Күркәм бәйрәмебез -Корбан гаете мөбарәк һәм хәерле булсын!

    Район мөселманнары Корбан бәйрәмен билгеләде. Дүшәмбе көнне шәһәрнең "Таң" мәчетендә иртәнге сәгать 7дә районның имам-мөхтәсибе Ирек хәзрәт Нуриев халык белән тулы залда дин кардәшләребезгә вәгазь укыды. - Корбан бәйрәме - Аллаһы Тәгалә ярдәме белән шәфкать-мәрхәмәт, изгелек кылу аша туганнарыбыз, дусларыбыз, күршеләребез һәм башка бик күп кардәшләребез белән якынаю көне. Мөмкинлеге...

    Район мөселманнары Корбан бәйрәмен билгеләде. Дүшәмбе көнне шәһәрнең "Таң" мәчетендә иртәнге сәгать 7дә районның имам-мөхтәсибе Ирек хәзрәт Нуриев халык белән тулы залда дин кардәшләребезгә вәгазь укыды.

    - Корбан бәйрәме - Аллаһы Тәгалә ярдәме белән шәфкать-мәрхәмәт, изгелек кылу аша туганнарыбыз, дусларыбыз, күршеләребез һәм башка бик күп кардәшләребез белән якынаю көне. Мөмкинлеге булган мөселманнар Раббыбыз биргән нигъмәтләргә шөкер итү, мохтаҗларга ярдәм кулы сузу өчен корбан чала. Пәйгамбәребез (с.г.в.)нең хәдисендә: "Корбанлыкның бер тамчы каны җиргә тамганда гөнаһлар кичерелә", - диелгән. Гөнаһ кичерелсә, Аллаһның рәхмәте, бәрәкәте, муллыгы килә, кылган догалар кабул була, - ди Ирек хәзрәт.

    Бәйрәм намазы укылганнан соң залдагыларны район башлыгы Валерий Чершинцев сәламләде, һәрбарчаларыбызга сәламәтлек, бәрәкәт, илебезгә иминлек, тынычлык теләде һәм истәлекле бүләк тапшырды.

    Бу көнне иман йортына килүче дин кардәшләребез учакта пешкән кайнар коймактан авыз иттеләр, алар өчен мул табын әзерләнде.

    - Дини тормыш белән яши башлавыма 10 ел. Моның өчен язмышыма рәхмәтлемен. Беренчедән, үз-үзеңә, киләчәккә ышаныч арта, икенчедән рухи һәм әхлакый яктан чистарынасың. 7 яшьлек оныгым Ревальны да бирегә алып килдем, тәрбияле, әдәпле бала булып үсәр дип ышанам, - ди шәһәрдәшебез Сәмигулла Нәбиуллин.

    Пенсионерларның җирле бүлеге рәисе Розия Бикметова җитәкчелегендә 12 кеше оныклары белән бергә бәйрәм чараларында катнашты.

    - Бу дөньяда шундый канун бар: әгәр дә сиңа карата мәрхәмәтлелек булуын теләсәң, үзең мәрхәмәтле бул, башта үзеңнән башла. Әгәр дә кешеләрнең ярдәм итүен теләсәң, башлап син үзең ярдәм ит. Без дә бүген кулдан килгәнчә мохтаҗларга ярдәм иттек, хәер-сәдака бирдек, изгелек итүдән җаннарыбыз сафланды, күңелләребездә җиңеллек тойдык, - ди Розия Назировна.

    Бәйрәм намазыннан соң Корбан чалу йоласы үтәлде. Аның максаты мохтаҗларны, фәкыйрьләрне сөендерүне күздә тота. Бу исә бәйрәмебезнең кешеләргә ярдәм итәргә, бер-береңә игелек кылырга өндәвен күрсәтә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: