Күптермә рецепты

Күптермә өчен: 1 литр сөт, 2/3 чынаяк шикәр, 250 грамм майонез, 1 чынаяк көнбагыш мае, 6 йомырка, 6 чынаяк он, 2/3 чынаяк манный ярмасы, 1 аш кашыгы тоз, 50 грамм чүпрә.

 Башта сөткә вагайтып чүпрәне салабыз, аннары - шикәр, тоз.

Алдан әзерләп куйган 6 йомырканы салабыз.

· Шуннан соң майонез, көнбагыш маен салабыз да, миксер белән болгата башлыйбыз. Болгату процессы барышында он белән манный ярмасын арттырабыз.

Камырны куерганчы болгатырга кирәк.

Шуннан соң камырның өстен ябып, сөлгегә төреп, җилсез урынга куябыз. Камыр 1 сәгать дәвамында күтәрелергә тиеш.

Күтәрелгәч исә алдан ук майлап һәм кайнарлатып куелган табага 3 аш чүмече камырны салабыз һәм электр миченә куябыз.

Күптермә 250 градуста 15 минут пешә.

Пешкәннән соң аны суытырга кирәк. Суынгач кисәкләргә кисеп рәхәтләнеп чәй эчә аласыз!

Искәрмә: камырны җилгә куерга ярамый, тәрәзәләр япкан булырга тиеш.

Бу хакта тулырак:intertat.tatar