Бриллиантны мәхәббәт белән сыныйлар

Бриллиант юбилярлар өчен балалары һәм оныклары чын бәйрәм ясаганнар. Тәслия Кашфелхаковна һәм Зиннур Харисович ЗАГС бүлегенә зәвыклы лимузинда килделәр. Бу көнне алар адресына ихлас котлау сүзләре, җырлар яңгырады.

– Без ислам кануннары буенча яшибез, бервакытта да ачуланышмадык, намуслы хезмәт куйдык, ә балалар бары тик бездән үрнәк алдылар, – дип аңлаталар гаилә бәхетенең серен Хафизовлар.

Механизаторлар курсларын тәмамлаганнан соң яшь Зиннурны чирәм җирләрне күтәрергә җибәрәләр. Тәслия, декабрист хатыны кебек, сөеклесе белән бергә була. Казахстан алар өчен кырык елга икенче туган якларына әверелә. Зиннур Харисович эштә сынатмый, аның фидакарьлеге Хезмәт Кызыл байрагы ордены белән билгеләнә. Тәслия пешекче була, балалар тәрбияли.

– Хафизовлар безнең авылда егерме ел яшиләр, – ди Иске Гришкин җирлеге башлыгы Валентина Мамакова. – Хөрмәтле, макталуга лаек гаилә. Алты баласы, килен-кияүләре, оныклары әти-әнисен яраталар, аларның зирәк киңәшләренә таяналар.