Ф. Мөхәммәтшин: «Менделеевск укучыларына олимпиадада гына түгел, тормыш буйлап та уңыш телим»

“Аммоний” АҖ ярдәмендә капиталь ремонт кичергән химия, физика, биология кабинетлары кабат кабат балалар тавышы белән тулды. Укучылар химия фәненнән үткәреләчәк олимпиадага җыелдылар. Д. И. Менделеев исеме бирелгән әлеге чара районда тәүге тапкыр оештырыла.

Мөһим вакыйга белән педагогик коллективны һәм укучыларны ТР Дәүләт Советы рәисе Фәрит Мөхәммәтшин, ТР Дәүләт Советы депутаты Эдуард Сөләймәнов, район җитәкчесе Радмир Беляев, мәгариф идарәсе начальнигы Алексей Миронов котладылар.