Менделеевск һәм Гуанъюань кардәшлек турында меморандумга кул куячаклар

15 декабрьдә Россия-Кытай халыкара форумында Татарстан Республикасы белән Кытай халык республикасы Сычуань провинциясе белән хезмәттәшлегенең юбилей датасы кысаларында Менделеевск һәм Гуанъюань шәһәрләре арасында кардәшлек турында меморандумга имза салыначак. Бу турыда муниципалитет сайты хәбәр итә.
Бүген хакимияттә форум алдыннан Zoom форматындагы ике шәһәр җитәкчеләренең очрашуы-танышуы узды.
Менделеевск районы җитәкчесе Радмир Беляев Башкарма комитет җитәкчесенең икътисад, ТОСЭР һәм эшкуарлыкны җәелдерү буенча урынбасары вазифаларын башкаручы Ленар Әхмәтов, индустриаль Пионер паркы генераль директоры, «Камасталь» ҖЧҖ гамәлгә куючылар вәкиле Чжай Юйгуй һәм «КамаСталь» ҖЧҖ генераль директоры Алевтина Кузьмина белән бергә Кытайдан килгән коллегалары белән таныштылар.
Радмир Беляев Гуанъюань шәһәренең Халык хөкүмәте мэры Дун Ли белән бергә үз шәһәрләренең тарихы, төп социаль-икътисади күрсәткечләре, үсеш планнары һәм перспективалары белән уртаклаштылар.
“Без хезмәттәшлекне җайга салачак кайбер юнәлешләрне билгеләдек: икътисад, инвестицион проектлар, туризм, мәдәният тарихи мирас һәм экология.
Ышанам ки, безнең дустанә мөнәсәбәтләр озак вакытлы, нәтиҗәле булыр һәм Россия белән Кытай арасындагы мөнәсәбәтләрне үстерүдә тагын бер адым булыр”, – дип шәрехләде Радмир Беляев.
А.Шишкина фотосы