«Аммоний» АҖ командасы кабат җиңү яулады

«Айсберг» боз сараенда «Аммоний» һәм «Алабуга 1000» командалары арасында матч оештырылды.
– Көндәшләр көчле, – диде «Аммоний» уенчысы Игорь Тарасов. – Ләкин без җиңүгә омтылабыз.
Дөрестән дә, командалар арасындагы көрәш киеренке барды. Кертелгән голлар 6:6 исәбендә тигезләнде. «Аммоний» хоккейчылары соңгы минутларда финал уенына үзгәреш керттеләр –алабугалыларны бер очкога оттылар. Нәтиҗәдә матч боз хуҗалары файдасына 7:6 исәбе белән тәмамланды.