Менделеевск яңалыклары
  • Рус Тат
  • Хәтер эстафетасы

    250дән артык менделеевлы Советлар Союзы Герое Василий Белоусов истәлегенә җиңел атлетика буенча эстафетада катнашты.

    Шәһәр һәм авыллар мәктәпләре укучылары, оешмалар һәм предприятиеләр эшчәннәре ун этаптан торган маршрутны уздылар. Һәр яшь төркеме өчен аерым дистанция билгеләнде.

    − Йөгерү – сәламәтлек, рух күтәренкелеге һәм яхшы кәеф чыганагы. Массакүләм спортка һәрвакыт теләп кушылам, − дип билгеләде 1 нче «Светлячок» балалар бакчасы тәрбиячесе Ксения Стахеева.

    − Бары тик уңай тәэсирләр генә алдык. Йөгерү зур канәгатьлек хисләре бирде, − ди Ижёвка мәктәбе укучысы Ярослав Липихин.

    − Эстафетаны җиңел уздык. Командабыз беренче урынны алды. Без спортны яратабыз, − дип фикерләре белән бүлеште «Аммоний» АҖ хезмәткәре Дмитрий Марковцев.

    Спортчыларга котлау сүзләре белән башкарма комитет җитәкчесенең социаль мәсьәләләр буенча урынбасары Айдар Сәфәргалин, Яшьләр һәм спорт эшләре идарәсе начальнигы Рашат Фәизов, «Яшьлек» яшьләр үзәге директоры Андрей Гриненко мөрәҗәгать иттеләр.

    Җиңүчеләргә дипломнар һәм кубоклар тапшырылды. Мәгариф учреждениеләре арасында беренче урыннарны 3 нче һәм Ижёвка мәктәпләре яулады, икенчене – 4 нче һәм Турай, өченче – 2 нче һәм Тихоново мәктәпләре. Оешмалар, предприятиеләр арасында урыннар түбәндәгечә билгеләнде: беренче –«Аммоний» АҖ, икенче – Иске Гришкин җирлеге, өченче – 10 нчы холык төзәтү колониясе.

    Нравится
    Поделиться:
    Реклама
    Комментарии (0)
    Осталось символов: