Менделеевск пенсионерлары спартакиадада катнашты

Җыелганнарны Яшьләр һәм спорт эшләре идарәсе начальнигы Рашат Фәизов, Россия пенсия фондының клиентлык хезмәте җитәкчесе Раушан Иштанова һәм ТР Пенсионерлар берлегенең җирле бүлекчәсе рәисе Лариса Кривилёва сәламләделәр.

Спартакиадада «Аммоний», «Менделеевсказот», Л.Я.Карпов исемендәге химзавод, бюджет өлкәсе пенсионерлары, Иске Гришкин җирлеге һәм ТИС җирлеге активистлары катнашты. Өлкән яшьтәге спорт сөючеләр программаны гимнастикадан башладылар, сыгылмалылыкка төрле күнегүләр ясадылар. Аннан соң скандинавия йөреше, пуля ату, йөзү, өстәл теннисы һәм дарст буенча ярышларда катнаштылар.

Ярыш нәтиҗәләре буенча җиңүчеләр һәр спорт төре буенча дипломнар белән бүләкләнделәр.