Менделеевск тхэквондочылары 12 призлы урын яулады

Кама Аланында 21 яшькә кадәрге үсмерләр арасында тхэквондо буенча Татарстан Республикасы беренчелеге узды. Анда 100дән артык спортчы катнашты.

Безнең шәһәрне тренер Алинә Сәлимуллина җитәкчелегендәге «Батыр» спорт мәктәбендә тәрбияләнүчеләр тәкъдим итте.

Сугыш нәтиҗәләре буенча Григорий Мазилкин һәм Надежда Шәрипова икенче урыннарны яуладылар, Ралина Миңнеханова – өченчене.

Яр Чаллыда тхэквондо (ВТФ) буенча ачык турнирда Менделеевск командасы – тренер Алинә Сәлимуллина җитәкчелегендәге «Батыр» спорт мәктәбендә тәрбияләнүчеләр 9 зачет медале алып кайттылар.

Ксения Колобкова, София Гайфетдинова, Ника Фазлыева, Азат Камашев, Аида Батретдинова, Карина Кудряшова, Елизавета Колпакова беренчеләр булдылар, Валерия Латфуллина һәм Язилә Гомәрова – икенчеләр.

Спортчылар грамоталар һәм медальләр белән бүләкләнделәр.