Менделеевскида Ильяс Вәлиев призына бокс буенча ХV Бөтенроссия турниры узды

Турнирда бөтен Россиядән 175 спортчы катнашты: Казан, Яр Чаллы, Слободской (Киров өлкәсе), Түбән Кама, Чистай, Чирмешән, Нурлат, Афанасово авылы, Мамадыш, Ижевск, Можга, Менделеевск, Алабуга, Азнакай.
Безнең шәһәрне тренерлар М. Шәфыйков, Д. Чулаков, В. Гудовских, О. Немтырев җитәкчелегендә «Батыр» спорт мәктәбе тәрбияләнүчеләре тәкъдим итте. Нәтиҗәләр буенча беренчелек пальмасы Рөстәм Шәяхмәтовта. Икенче урынга Алексей Манин, Булат Гайнуллин, Евгений Барбарисов, Игорь Макаров, Данил Черемных лаек булдылар. Өченче урында –Данис Гайнетдинов, Айнур Һадиуллин, Никита Локтев, Захар Бойцов, Артур Миронов, Илья Тунгусков, Сергей Понкратов, Артур Ахкияметдинов. Спортчылар медальләр, грамоталар һәм кыйммәтле призлар белән бүләкләнделәр.