Спортны көндәшлеккә сәләтле итү

«Батыр» спорт мәктәбе директоры Оксана Габделбариева сүзләренчә, үзгәрешләр федераль дәрәҗәдә расланган. Аларның барысы да илебез Хөкүмәте кабул иткән яңа «2025 елга кадәр спорт резервына әзерлек Концепциясендә» әйтелгән. Аның нигезендә, барлык спорт мәктәпләре өстәмә белем учреждениеләре булудан туктый һәм спорт әзерлеге системасына күчә. Күчешнең төп максатларының берсе —"Спорт җыелма командалары өчен спорт резервы әзерләү нәтиҗәлелеген күтәрү һәм халыкара спорт аренасына россия спортын көндәшлеккә сәләтле итү". Спорт мәктәпләре хәзер физик яктан ныклы кешеләрне генә түгел, ә спортчылар әзерләү белән шөгыльләнәчәк.

Мәктәптә 800дән артык бала укый, 25 тренер эшли.

Спортны үстерү, югары нәтиҗәгә ирешү өчен шәһәрдә шартлар бар.