Татарстан республикасы Беренчелегенә матчлар узды
Язгы каникул көннәрендә 22сеннән 29 мартка кадәр «Айсберг» Боз сараенда Татарстан республикасы Беренчелегенә 2008 елгы үсмерләр арасында йомгаклау календарь матчлары узды.
«Айсберг» командасы «Олимп» (Кукмара) һәм «Олимпия» (Кама Аланы) командалары белән очрашты. Ике уйналган матч нәтиҗәләре буенча, тренер Марсель Баһаветдинов җитәкчелегендәге «Айсберг» командасы җиңү яулады.
«Үлем белән кайда сатуларын хәбәр ит» Бөтенроссия акциясе уңаеннан үсеп килүче буын арасында наркомания һәм тәмәке тарту кебек яман гадәтләрдән арынуны профилактикалау максатыннан шәһәрнең «Айсберг» Боз сараенда 9-11 яшьлек малайлар арасында «Айсберг» (Менделеевск) һәм «Кречетлар» (Минзәлә) командалары арасында хоккей буенча иптәшләрчә очрашу булды. Арена кунаклары буллитлар буенча 2:1 исәбенә көндәшләрен җиңде. Команданың тренеры Александр Андреев.
Следите за самым важным и интересным в Telegram-каналеТатмедиа
Нет комментариев