Татарстанда 2019 елда 18 ГТО мәйданчыгы ясалган

2019 елда федераль проект буенча Чаллы шәһәрендә һәм Апас районында ике футбол кыры һәм ГТО нормаларын тапшыру өчен 18 спорт мәйданчыгы төзелгән. Бу эшләр «Демография» илкүләм проекты кысаларында башкарылган. Шулай ук әлеге программа буенча Лаеш һәм Минзәлә районнарында ике баскетбол-волейбол мәйданчыгы файдалануга тапшырылган. Сарман районында тренажерлар куелган мәйданчык пәйда булган. Буа һәм Лениногорск шәһәрләренә ике боз катыру машинасы, Чаллы, Биектау һәм Казандагы спорт мәктәпләренә хоккей өчен җиһазлар комплекты һәм тренажерлар кайтарылган.