Эльдар Мәхмүдовны «Атказанган фермер» медале белән бүләкләделәр

КФХда 90 баш мөгезле эре терлек исәпләнә, шуларның 53е — сыерлар. Агымдагы ел башында аграрий гаилә фермаларын үстерү буенча дәүләт программасы ярдәмендә яңа терлекчелек бинасын сафка бастыра.

Икътисади күзлектән чыгып караганда яхшы адым — җитештергән сөтне мөстәкыйль эшкәртү. Бу фикер белән фермер Мәхмүдов килешә.

— Мин бу эшне башлаганда, абыем, эшкәртү булмаса, үсеш булмаячак, диде. Аның киңәшен тотып сыр җитештерергә булдым. Күләме зур түгел әлегә. Көненә 12 ләп брынза ясыйбыз, ул бик тиз таралып бетә, — дип билгеләде авыл хуҗалыгы продуктларын җитештерүче.

Бу эштә аңа хатыны ярдәм итә. Мәхмүдов брынзасын Германиядә, Үзбәкстанда, Әзербайҗанда, Мәскәүдә, Санкт-Петербургта, Киров өлкәсендә татап караганнар, үзләренең даими клиентлары бар.

Мәскәүгә баруы турында фермер болай дип белдерде: «Аграрийларның планнарында сыерларның баш санын арттырырга, яңа ферманы терлек белән тутырырга, сөт эшкәртү белән актив шөгыльләнергә».