Менделеевск яңалыклары
  • Рус Тат
  • Елена Степанова: «Тормышны бөтен барлыгы белән яратам»

    Күптән түгел 55 яшен билгеләгән Елена Дмитриевна берьюлы өч йорт комитеты рәисе булып тора. - Мин Гунин урамының 23 нче йортында яшим, - дип сөйли юбиляр. - Күршеләрне күптән беләм, шуңа күрә, йорт комитеты рәисе булырга тәкъдим иткәч, озак уйламадым. Һәр эштәге кебек, аерым кыенлыклар да булды. Уртак тырышлык белән...

    Күптән түгел 55 яшен билгеләгән Елена Дмитриевна берьюлы өч йорт комитеты рәисе булып тора.

    - Мин Гунин урамының 23 нче йортында яшим, - дип сөйли юбиляр. - Күршеләрне күптән беләм, шуңа күрә, йорт комитеты рәисе булырга тәкъдим иткәч, озак уйламадым. Һәр эштәге кебек, аерым кыенлыклар да булды. Уртак тырышлык белән без күп нәрсәләргә ирештек.

    Инициативалы, энергияле ханымны Гунин урамының күршедәге 21 һәм 27 нче йортларында да күреп алалар. Аларда да әлеге вазифаларны алып баруын үтенеп хат язалар.

    - «Юк» дип әйтә алмыйм, ризалаштым, - дип елмая Е.Степанова. - Шөкер, мин проблемалар белән ялгызым түгел, һәрвакыт муниципалитет, Идарәче компания, территориаль иҗтимагый Совет, округ депутаты Юнес Готин, йортта яшәүчеләрнең ярдәмен тоям. Без бергәләп барысын да булдырабыз! Шушы көннәрдә ишегалларын балалар өчен уен элементлары белән җиһазладык.

    - Елена Дмитриевна һәр мәсьәләгә җаваплы карый, аларны дөрес хәл итү юлларын эзли, документациясендә дә тәртип, - ди «Посёлок» ТИС рәисе Екатерина Кузнецова.

    Безнең язмабыз герое һәрвакыт эш белән мәшгуль: икмәк заводында хезмәт куя, көн саен әнисе Наталья Андреевнаның хәлен белә, «Туганайлар» керәшен фольклор ансамблендә җырлый.

    - Без гаиләдә җиде бала үстек, - дип дәвам итә ул, - кече яшьтән йорт мәшәкатьләрен күмәкләп башкардык: утын да кистек, печән дә чаптык, бакча тулаем безнең карамакта иде. Кияүгә чыккач, эстафетаны балаларым Павел, Михаил, игезәкләр Валерий һәм Валерия белән бүлештек.

    Юбилей көнендә Елена Дмитриевнаның кунакчыл йортында гаиләләре белән балалары, яраткан өч оныгы, туганнары һәм якыннары җыелды. Аларның һәрберсенең кадерле кешеләренә әйтергә җылы котлау сүзләре табылды.

    - Туган көнемнең датасын кешегә әйтмәсәм дә, күршеләрем барыбер белгәннәр, - дип көлә ул. - Алардан рәхмәт сүзләре, истәлекле бүләкләр кабул иттем. Мин бәхетле кеше һәм тормышны бөтен барлыгы белән яратам.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: