Геннадии Мальгин — «Ел һөнәрчесе»

Күптән түгел Илнәт остасы «Ел һөнәрчесе-2021» республика бәйгесендә «Реконструкция» номинациясендә җиңү яулады.

Г. Мальгин конкурска 30дан артык фотосурәт юллады.

— Сурәтләр арасында челтәрләп эшләнгән тәрәзә йөзлекләре, агач сыннар бар иде — бакча бизәлеше. «Реконструкция» номинациясендә җиңү яуладым. Анда катнашуыма шатмын, — дип фикерләре белән уртаклашты ул.

Чынлап та, Геннадий Александровичның эшләре кызыклы, фантазия белән, күңел җылысын биреп эшләнгән.

— Үз кулларың белән ниндидер оригиналь әйбер ясау миңа бик тә ошый. Чын осталык тәҗрибә белән килә. Иҗат итүдән шатлык һәм канәгатьләнү хисе алам, — дип сөйли оста.

фото Г. Мальгин архивыннан