Химик Евгения Гудовских

Дөресрәге, ул химия предприятиесендә хезмәт куйган әтисе һәм дәү әтисе, икесе дә Александр, юлыннан китә.

– Башта техникум тәмамладым, соңрак химия-технология университетын. Һөнәрнең нечкәлекләренә лаборант буларак төшенә башладым, аппаратчы, смена мастеры булдым, хәзер технолог, технологик процессларны контрольдә тотам, – дип сөйли язмабыз герое.

Химиклар турында язу җиңел эш түгел. Мәгариф, мәдәният, медицина хезмәткәрләреннән аермалы буларак, алар аз һәм конкрет сөйлиләр. Евгения Гудовскихка хас сыйфатлар – таләпчәнлек һәм эшлеклелек.

– Коллективта 70тән артык кеше, – дип билгели Евгения Александровна. – Эш катлаулы, шул ук вакытта кызыклы. Продукциянең сыйфаты уртак тырышлыкка бәйле.

Евгения үз эшенең остасы, беренче остазы, таләпчән технолог Венера Мостафина турында да әйтте.

– Аңарда продукцияне җитештерү һәм сатуның барлык нечкәлекләрен белүгә нигезләнгән сәламәт амбиция иде, – дип ассызыклый Е.Гудовских. – Үз алдына куелган бурычларны гамәлгә ашыруны уңышлы башкара, заводлылар белән уртак тел таба, җитештерелгән продукцияне кулланышка кертү алымнарын яхшы белә.

Бу күркәм ханымның ышанычлы тылы – гаиләсе. Тормыш иптәше Владимир, балалары Ксения, Александра һәм Дмитрий һәрвакыт Евгения Александровнаның эшеннән хәбәрдарлар. Алар кадерле кешеләрен һөнәри бәйрәме белән котлыйлар, иң изге теләкләрен юллыйлар.