Менделеевскида яшәүче Айгөл һәм Рәис Хәйретдиновлар бриллиант туйларын билгеләделәр

Алар табигать кочагында елга буенда очрашалар, шунда мәхәббәт очкыннары кабына. Тиздән алар гаилә коралар. Ике кыз үстерәләр, оныкларын тәрбияләргә булышалар. Бу күркәм пар озак еллар Л. Карпов исемендәге химия заводында эшли.

Истәлекле дата белән Хәйретдиновларны Башкарма комитет җитәкчесенең социаль мәсьәләләр буенча урынбасары Екатерина Ямалеева, ЗАГС бүлеге начальнигы Татьяна Алексеева, «Посёлок» ТИС рәисе Екатерина Кузнецова, дуслары, туганнары һәм якыннары котладылар.

Котлауларга Л. Карпов исемендәге химия заводының профсоюз комитеты һәм ветераннар Советы рәисләре Рөстәм Борханов һәм Татьяна Митшина кушылдылар.
— Бергә озак еллар яшәүнең сере — бер-беребезне аңлауда, юл куя белүдә, шатлык һәм кайгыларны уртаклашуда, — диләр Хәйретдиновлар.