Патриотлык яшьләрнең йөрәгендә

Яшьләр ни өчен хәрби-патриотик юнәлешне сайлый?

Рамил Ганиев, 18 яшь:


− «Патриот»та биш елга якын шөгыльләнәм. Үземне футбол, баскетбол, кобудо, акробатикада сынап карадым. Бергә бер көрәштә тукталдым. Клубта грэппингны үзләштердем, анда берүк вакытта берничә төр көрәш алымнары яраша. Узган елда җиңүгә омтылуым һәм активлыгым өчен район башлыгыннан грамота алдым. Үз максатыма ирешергә һәм үземә ышанырга тырышачакмын, − ди Рамил.

Зарина Елизарова , 18 яшь:

− Хәрби эш белән егетләр генә түгел, кызлар да мавыга. Мин бер елга якын шөгыльләндем.
Кроссфит, җиңел атлетиканы үзләштердем, характерны ныгыттым, үз-үземә ышанычым артты. Даими күнекмәләр ясау ярдәмендә тәнем зифа буйлыга әверелде, сәламәтлегем һәм кәефем яхшырды.

Клубка рәхмәтлемен, чөнки алар миңа куелган максатыма, яхшы күрсәткечләргә ирешергә ярдәм иттеләр, җиңелүгә карамастан алга барырга һәм ирешелгән уңышларда гына туктап калмаска өндәделәр. Чираттагы максатым − Россия ЭЭМ Казан юридик институтына укырга керү. Минем бар да яхшы булыр, дип уйлыйм, − дип фикерләрен белдерде Зарина.

Ангелина Гагарина, 17 яшь:


− «Патриот»ка 2017 елда килдем. Яхшы физик формада булырга теләдем һәм һәрвакыт хәрби әзерлек темасы белән кызыксындым. Нәкъ менә клубта төз ата башладым һәм АК-74не тиз генә сүтеп җыярга өйрәндем. Республика ярышларында өч өченче һәм бер икенче урыннар яуладым. Икесе автомат сүтеп җыйган өчен, калганнары гомум физик әзерлек өчен. Автоматның структурасын аңласаң, кызларга хәрби яктан әзерлекле булу катлаулы дип санамыйм. Идел буе дәүләт физик культура, спорт һәм туризм академиясенә укырга керәсем килә. Физик яктан тагын да үсәргә һәм характерымны ныгытырга исәплим. Спорт менеджменты факультеты турында уйлыйм. Хыялда фитнес-индустрия һәм нутрициологиягә бәйле курсларны узу, − дип хәбәр итә Ангелина.