Үзенчәлекле язмышлы юбиляр

Аның янында котлау миссиясе белән район башлыгы урынбасары Ләйсән Галеева, ветераннар Советы рәисе Любовь Сорокина һәм җирлек башлыгы Әлфирә Рәхимова булдылар.

– Сезнең сугыш елларындагы һәм тыныч тормыштагы хезмәтегез хөрмәткә һәм түбәнчелек белән баш июгә лаек, – дип Багъзимә Габдрахмановага мөрәҗәгать итте Ләйсән Камилевна. – Рәхмәт сүзләре белән Россия Президенты Владимир Путинның һәм район башлыгы Валерий Чершинцевның исемле открыткаларын тапшырам.

– Путинга рәхмәт әйтегез, – дип елмаеп җавап бирде ветеран.

Әңгәмә барышында ул бик күп мәкальлләр һәм әйтемнәр белүе, аларны урынлы куллануы белән гаҗәпләндерде.

Тоймада туган Б.Миңлегалиеваның язмышы үзенчәлекле була: әтисен беренче көннән үк фронтка алалар, ул озак еллар хәбәрсез югалган дип исәпләнә. Күптән түгел генә эзтабарлар отряды күмелгән урыны ачыклый – Ленинград өлкәсендә.

– Әлеге дәвердә аның рухын догамнан калдырмадым, – ди ветеран, – әти Ватанны гына түгел, безне дә яклаган, шуңа күрә ул минем өчен чын герой.

16 яшендә Багъзимә икенче кайгысын кичерә – әнисе тормыштан китә. Кызның тәрбиясендә сеңлесе һәм энесе кала. Сабыйларны опека органнары приютка урнаштырырга телиләр, ләкин өлкән апаларының карары ныклы була: аларны беркемгә дә бирмәячәк. Дөрес, моның өчен иртә таңнан караңгы кичкә кадәр эшләргә туры килә.

Юбилярның хезмәт биографиясе колхоз белән бәйле, ләкин ул балаларына югары белем бирә. Фәридә , Гөлнүзә һәм расит тормышта үз урыннарын тапканнар, биш оныгы һәм шулкадәр үк оныкчыгы дәү әниләрен уңышлары белән куандыралар.