Менделеевск яңалыклары
  • Рус Тат
  • Безнекеләр кобудода уңышка ирештеләр

    Узган ял көннәрендә "Химик" спорт-сәламәтләндерү комплексында кобудо көнчыгыш сугышы буенча ярышлар узды. Татарстан беренчелегендә һәм чемпионатында республиканың 15 шәһәреннән 376 спортчы катнашты. Менделеевск данын тренерлар Сергей Лисютин, Лилия Богатова һәм Владимир Гудовских шәкертләре яклады. Район башкарма комитеты җитәкчесе урынбасары Павел Миронов чараны ачу тантанасында спортчыларга ярышларда уңышлар теләде һәм үзоборона...

    Узган ял көннәрендә "Химик" спорт-сәламәтләндерү комплексында кобудо көнчыгыш сугышы буенча ярышлар узды. Татарстан беренчелегендә һәм чемпионатында республиканың 15 шәһәреннән 376 спортчы катнашты.


    Менделеевск данын тренерлар Сергей Лисютин, Лилия Богатова һәм Владимир Гудовских шәкертләре яклады.
    Район башкарма комитеты җитәкчесе урынбасары Павел Миронов чараны ачу тантанасында спортчыларга ярышларда уңышлар теләде һәм үзоборона алымнарын Ватанны саклаганда, якыннарыңны яклаганда яки шушындый ярышларда гына куллану кирәклеген ассызыклады. Дәүләт Советы депутаты киңәшчесе Рөстәм Гафаров, республикада көнчыгыш сугышы буенча башкарма комитет рәисе Александр Даренков чараның почётлы кунаклары булдылар.
    Кобудо, каратэ-до буенча күрсәтмә чыгышлар, "Кристалл", "Очарование" коллективлары биюе спортчыларны җиңүгә рухландырды.
    Менделеевскида кобудо буенча ярышлар оештыру традициягә әверелде. Безнең егетләр һәм кызлар призлы урыннар яулыйлар, һәрдаим җиңүгә омтылышларын, үҗәтлекләрен, тренерларының һөнәри осталыкларын күрсәтәләр.
    Татарстанның Кобудо федерациясе президенты һәм ярышларның баш хөкемдары Сергей Лисютин белдерүенчә, кобудода үзеңне яклау сәнгате традицион корал һәм кул астындагы чаралар ярдәмендә башкарыла. Бу төр спорт иң куркынычсыз, ике як та махсус саклагычлар киеп сугыша. Икенче ел, сынау буларак, балаларны шөгыльләргә өч яшьтән алалар. Уңышлар сизелерлек. Моны дәлилләп, оныклары Кириллның чыгышын карарга килгән Галина һәм Виктор Колобковлар фикерләре белән бүлештеләр:
    - Кирилл дүрт яше тулганда үзе теләп спорт залына килде. Күрсәткечләре яхшы, бүген дә икенче урын яулады.
    Светлана һәм Алексей Штыковлар уллары Стефанның ярышын күзәтәләр. Яшь спортчы тренер Лилия Богатовада шөгыльләнә.
    - Улыбыз физик һәм мораль яктан ныгыды, чын дуслар тапты, - диләр Штыковлар.
    Яше, авырлыгы һәм куллану коралы төренә карап төркемнәргә бүленгән спортчылар ике көн көч сынаштылар. Татьяна Учватова (тренеры Сергей Лисютин), Алексей Николаев, Артур Пайдуганов, Дмитрий Егоров (Лилия Богатова) ТР беренчелегендә "алтын" яуладылар. Алар Россия беренчелегендә республика данын яклаячаклар.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: