Менделеевск яңалыклары
  • Рус Тат
  • Кросска җиде йөздән артык менделеевлы чыкты

    "Татарстан кроссы-2015" кысаларында Менделеевскида зур спорт чарасы булды. Җиде йөздән артык менделеевлы - укучылар, предприятие, оешмалар вәкилләре йөгерү юлына басты. Катнашучыларны шәһәр һәм район башлыгы Валерий Чершинцев сәламләде. - Кросска тулы составта администрация дә чыкты, - диде Валерий Чершинцев. - Мин биредә актив спорт яратучыларны, сәламәт яшәү рәвеше тарафдарларын күрүемә...

    "Татарстан кроссы-2015" кысаларында Менделеевскида зур спорт чарасы булды.
    Җиде йөздән артык менделеевлы - укучылар, предприятие, оешмалар вәкилләре йөгерү юлына басты.
    Катнашучыларны шәһәр һәм район башлыгы Валерий Чершинцев сәламләде.
    - Кросска тулы составта администрация дә чыкты, - диде Валерий Чершинцев. - Мин биредә актив спорт яратучыларны, сәламәт яшәү рәвеше тарафдарларын күрүемә шатмын.
    Беренче булып унсигез яшькә кадәрле менделеевлылар старт алды. Алар арасында гимназияле Нияз Саттаров та бар.
    - Миңа җиде яшь, мондый чарада тәүге тапкыр катнашам, дустым Данил Николаев белән килдем, - ди ул. - Безнең өчен әнием Римма Бәгъдануровна җан ата.
    Аннан соң бер километрлы дистанцияне 18 яшьтән өлкән ирләр һәм хатын-кызлар үтте.
    - Барлык спорт чараларында да бик теләп катнашам, - дип бүлеште Бәзәкә балалар бакчасы мөдире Сәрия Галимова.
    Номинацияләр буенча бүләкләү шәһәр планеркасында булчак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: