Менделеевск яңалыклары
  • Рус Тат
  • Яңа ветпунктта уңайлы шартлар

    18 июльдә күпсанлы кунаклар, служба хезмәткәрләре һәм ветераннары катнашында ветеринария пунктының яңа бинага күченүе уңаеннан тантана булды. Корней Чуковскийның изге куңелле доктор Айболит турындагы әсәре белән без кечкенәдән таныш. Безнең районда да яхшы табиблар - үз һөнәрен яратучы ветеринарлар бар. Алар хайваннарга ярдәм күрсәтәләр. Районның ветеринария службасы узган гасырдан калган...

    18 июльдә күпсанлы кунаклар, служба хезмәткәрләре һәм ветераннары катнашында ветеринария пунктының яңа бинага күченүе уңаеннан тантана булды.
    Корней Чуковскийның изге куңелле доктор Айболит турындагы әсәре белән без кечкенәдән таныш. Безнең районда да яхшы табиблар - үз һөнәрен яратучы ветеринарлар бар. Алар хайваннарга ярдәм күрсәтәләр. Районның ветеринария службасы узган гасырдан калган тузган бинада урнашканлыктан, эш шартлары үзенчәлекле төркем пациентларны - кече туганнарыбызны тиешенчә кабул итәргә мөмкинлек бирмәде.
    Президент инициативасы белән Татарстанда модульле-блоклы ветеринария пунктлары төзү буенча программа эшли башлады. Перспективада бу программага актив старт бирелгән районнар исәбенә Менделеевск та кертелде. Совхозная урамындагы ат спорты базасы белән янәшәдә ачык төрле төсләргә буялган яңа бина күз ачып йомганчы диярлек калкып чыкты.
    Район башлыгы Игорь Привалов, ТР Министрлар Кабинетының Баш ветеринария идарәсе Чаллы территориаль бүлеге начальнигы Рөстәм Гобәйдуллин, Авыл хуҗалыгы һәм азык-төлек идарәсе начальнигы Рөстәм Галәмов яңа бинага күченүчеләрнең шатлыгын уртаклаштылар.
    Игорь Привалов сәламләү сүзендә болай дип билгеләп үтте:
    - Агымдагы елда социаль билгеләнештәге 13 объектны куллануга тапшыру планлаштырыла. Төзү һәм ремонт эшләрен финанслау президент программалары кысаларында алып барыла. Районда оператив ярдәм өчен шартлар булдырылу куандыра. Бу пункт бердәнбер булмаячак.
    Район башлыгы планда билгеләнгән эшләргә җаваплы мөнәсәбәтләре өчен төзүчеләргә рәхмәт белдерде һәм "Төзүче" ҖЧҖ директоры Юнес Готинга Рәхмәт хаты тапшырды.
    Юнес Александрович-ның тәҗрибәле өч төзүчедән торган бригадасы объектта ике ай гына эшләде.
    - Бу вакыт эчендә газ һәм электр белән эретеп ябыштыручы Фәрит Хәбибуллин, тракторчы Фәнис Гыйльфанов, балта остасы Степан Супрунюк объектның инженерлык челтәрен сузып, территорияне төзекләндереп өлгерделәр. - Ә төп бинаны азнакайлылар төзеде, - дип сөйли Юнес Готин.
    ТР Министрлар Кабинеты вәкиле Рөстәм Гобәйдуллин яңа ветеринария пунктларын төзүнең актуальлеген ассызыклады һәм халык өчен нәтиҗәле эшчәнлеге өчен район җитәкчелегенә рәхмәт белдерде.
    Яңа шифаханәнең символик ачкычы участок пункты мөдире - яшь белгеч Айгөл Хисмәтуллинага тапшырылды.
    Район ветеринария баш табибы Тимур Галиевка почётлы кунаклар белән берлектә ал тасманы кисү хокукы бирелде. Тимур Мирзанурович бу өлкәдә ун елга якын эшли. Шул дәвердә үзен тәҗрибәле белгеч, алдына куелган теләсә нинди бурычны һөнәри осталыгын кулланып хәл итәргә сәләтле итеп танытты.
    Гөлүс Сәлимов участокта 1979 елдан күңел биреп хезмәт куя. Тәүлекнең теләсә кайсы вакытында Гөлүс Мөдкәрович мөгезле эре терлеккә һәм, йорт хайваннарын да кертеп, барлык малларга квалификацияле ярдәм күрсәтә.
    Чараның рәсми өлешен яңа бина буенча экскурсия дәвам итте, аның барышында җыелганнар ветеринария участогында билгеләнеше буенча куллану өчен барысы да әзер булуына инандылар.
    - Биредә җиһазланган эш урыны белән табиб кабинеты, йорт хайваннарына экстрен һәм планлы операцияләр үткәрү өчен бүлмә, сыерларны ясалма орлыкландыру өчен лаборатория һәм ветеринария даруханәсе бар. Яңа пункт терлекләрнең йогышлы авыруларын диагностикалау һәм профилактикалауны кертеп, эпизоотикага каршы чаралар планын үтәүне тәэмин итү мөмкинлеге бирәчәк, - дип ышандырды Тимур Галиев.
    Лариса Кривилёва

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: