“Яшь патриот”

Түбән Камада узган шундый исемле традицион чарада "Кама таңнары" приюты командасы да катнашты.
Патриотик хисләр, Ватан һәм халык тарихына хөрмәт уяту максатыннан оештырылган уен балаларны Бөек Ватан сугышы тематикасын ачкан әсәрләр, җырларны белүдә, автоматны сүтеп-җыюда, беренче медицина ярдәме күрсәтүдә сынады. Капитан Диана Худжанова җитәкчелегендәге команданың педагоглар ярдәмендә чыгарган "Хәрби кәгазь"е жюри әгъзалары тарафыннан югары бәяләнде.
Ул 7 менделеевлы Советлар Союзы геройларына багышланган иде.
Команда призлы урын яуламаса да, аларның чыгышы уңай бәяләнде. Диана кубок һәм сувенирга, башкалар бүләкләргә ия булдылар. Бәйгедән соң командалар Билгесез солдат һәйкәленә чәчәкләр салдылар.