Икенче урын өчен турнир кубогы

Коррекция мәктәбе шәкертләре Россиянең Махсус Олимпиадасы буенча IX Республика ярышларының зона этабында мини-футболда катнаштылар.
Мөслим районына ярышларга Тукай, Түбән Кама, Әгерҗе, Кукмара һәм башка районнардан тугыз команда килде.
- Безнең команданы физкультура укытучы Алвард Григорян һәм капитан Алексей Соловьев җитәкләде, - дип сөйли укыту бүлеге мөдире Наталья Архипова. - Үҗәт көрәш нәтиҗәсендә алар икенче урын яуладылар, кубок һәм истәлекле бүләкләр алдылар. Җиденче сыйныфтан Сергей Мардашов иң яхшы сакчы дип танылды.