Ленин скверы һәм Мәңгелек ут территориясе

Тасвирлама:
В.И.Ленин һәйкәле белән сквер 2015 елның җәендә ачылды.
Адресы:
ТР, Менделеевск ш., Октябрь ур.

Әлеге комплекс шәһәр инфраструктурасына тулысынча туры килде. Ял территориясендә интеллектуаль уен өчен шахмат тактасы билгеләр бар. Агач күләгәсендәге җайлы эскәмияләрдә рәхәтләнеп ял итәргә, яраткан китабыңны укырга мөмкин. Шулай ук биредә массакүләм чаралар, мәдәни кичәләр һәм очрашулар уза. Сквер «Татарстан Республикасында Парклар һәм скверлар елы» программасын гамәлгә ашыру кысаларында булдырылды. Парк ансамблен территорияләрендә патриотик чаралар уза торган Мәңгелек ут һәм Билгесез солдат һәйкәле тулыландыра. Янәшәдә урнашкан «Юность» кинотеатрында 2 һәм 3D форматындагы фильмнарны карарга мөмкин.