Менделеевскидагы «Дуслык» паркы

Тасвирлама:
«Дуслык» паркы Менделеевскның үзәк җәяүлеләр скверын төгәлли һәм салмак кына С. Гассар исемендәге мәдәният сараена барып тоташа. Шәһәр үзәгендә төзекләндерелгән зона булдыру Менделеевскиның 50 еллыгына багышланган иде.
Адресы:
ТР, Менделеевск шәһәре, Халыклар дуслыгы паркы

Уңайлы урнашуы, гаилә кафесы, балалар мәйданчыгы, тәбәнәк наратлар һәм чыршылар күләгәсендә ял итү өчен уңайлы урыннар булуы паркны шәһәр халкын җәлеп итүче иң популяр ноктага әйләндерде. Паркның истәлекле урыннары арасында дөрес булмаган формадагы берничә агач аркадан ясалган керү төркеме, яктылык- музыка фонтаны, дөньяның төрле шәһәрләренә кадәр араны күрсәткечләр кадакланган багана арт-объекты, урам гирляндалары бар. Янәшәдә Д. И. Менделеевка һәйкәл урнашкан.